Ерөнхий боловсролын сургуулийн Дотуур байрны сурагчдын чөлөөт цагийг зөв боловсон өнгөрүүлэх, тэдэнд хүүхдийн эрхийн тухай хууль тогтоомжийг сурталчлах зорилгоор сумын иргэдийн Төлөөлөгчдийн Хурлын ажлын алба, ГХУССЗ, "Жаргалант ирээдүй урагшаа" ТББ-ын дэргэдэх дэмжих бүлэг хамтран "Эрхээ мэдье" сэдэвт арга хэмжээг дотуур байрны хүүхэд хөгжлийн өрөөнд зохион байгуулав. 

    Арга хэмжээний хүрээнд  Хүүхдийн эрхийн тухай хуулийн чиглэлээр сургалт зохион байгуулж, сурагчдыг гарын авлагаар хангасан ба тус сэдвийн хүрээнд сурагчдыг баг болгон хуваарилж хөгжөөнт тэмцээн зохион байгуулахад Тэргүүн байрыг Д. Долгоржав ахлагчтай "Хасу" баг, дэд байрыг Б.Лхамноржам ахлагчтай "Жавхаа" баг эзэлж өргөмжлөл, шатраар тус тус шагнуулав. 

    Мөн "Үндэсний уламжлалт зан заншил" сэдвийн хүрээнд танин мэдэхүйн "АХА" тэмцээнийг зохион байгуулахад тэргүүн байрыг сурагч Э.Отгонцэцэг, дэд байрыг Б. Мөнхжавхаа, гуравдугаар байрыг Б. Отгонням нар эзэлж өргөмжлөл, үнэ бүхий зүйлээр шагнуулав. 

          Хүүхэд нэгдүгээрт...