Хоолт багийн иргэдийн Нийтийн Хурлын ээлжит тавдугаар хуралдаан 2023 оны 10 сарын 31-ний өдөр хуралдаж,  хуралдааныг Ч.Батсайхан даргалж дараах асуудлуудыг хэлэлцэн шийдвэрлэв.

1. Багийн иргэдийн Нийтийн Хурлын зөвлөлийг дараах бүрэлдэхүүнтэй шинэчлэн байгуулав.

• Ч.Батсайхан -Багийн ИНХ-ын хуралдааны дарга 
• Б.Төмөрхуяг- Багийн Засаг дарга
• Г.Пүрэвжанцан- Иргэн
• И.Мягмаржав- Багийн малын эмч
• Идэрмөнх- Бага сургуулийн багш

2. Багийн Засаг дарга Б.Төмөрхуяг 2023 онд хийсэн  ажлын талаар товч мэдээлэл хийж, иргэдийн санал шүүмжлэлийг сонсов. 

3. Иргэдийг мэдээллээр хангаж, санал хүсэлтийг сонсов.

       Сумын ИТХ-ын дарга Ц.Эрдэнэбулга, Сумын Засаг даргын орлогч Ч.Батболд, Мал эмнэлийн улсын байцаагч Л. Алимаа, ХААТ-ийн мэргэжилтэн Г.Баярбямба, Хууль, эрх зүй хариуцсан мэргэжилтэн Ж.Базарсад нар цаг үеийн ажлын талаар мэдээлэл хийж, мэргэжлийн зөвөлгөө мэдээллээр хангав. 

          Иргэдээс гарсан саналуудаас дурдвал: 

1. Хүний эмчтэй болох

2. Хоолт багийн Хамрын давааны замыг засах 

3. Үүрэн холбооны юнителийн сүлжээ нэвтрүүлэх ажлыг эрчимжүүлэх 

4. Багийн Засаг дарга, бага сургуулийн үйл ажиллагааг сайжруулах

5. Ойг цэвэрлэх,  шинээр худаг гаргах ажлын санхүүжилтийг шийдвэрлэж, бодит ажил болгох г.м

4. Бусад

   Багийн Иргэдийн нийтийн хуралд оролцсон иргэдээс ахмад настан иргэдийг төрийн одон медальд шагнуулахаар нэр дэвшүүлэв. Үүнд

1. С.Төмөрхүү
2.  Я.Түндэвдорж
3.  С.Уранчимэг нарыг "Алтан гадас одон"-оор шагнуулахаар нэр дэвшүүлж, сумын Засаг даргад уламжлахаар болов.

     Хуралдааны үйл ажиллагаанд ИТХ-ын ажлын албаны мэргэжилтэн Л.Байгальцэцэг, ИТХ-ын төлөөлөгч Б. Батбилэг нар техник, зохион байгуулалтын туслалцаа үзүүлж ажиллав.