Сумын иргэдийн Төлөөлөгчдийн Хурлын 9 дэх бүрэн эрхийн хугацааны анхдугаар хуралдаан 95.2 хувийн ирцтэй хуралдаж, хуралдааныг хамгийн ахмад настай төлөөлөгч Б. Эрдэнэбадрал даргалж,  дараах асуудлуудыг хэлэлцэн шийдвэрлэв. 

Нэг. Сумын иргэдийн Төлөөлөгчдийн Хурлын сонгуулийн дүнг танилцуулсан ба,  төлөөлөгчөөр сонгогдсон Төлөөлөгчдийн бүрэн эрхийг хүлээн зөвшөөрөв. 

Хоёр. Хурлын даргыг сонгох асуудлыг хэлэлцэж Энхтайваны Гүррагчааг хуралдаанд оролцогчдын 100 хувийн саналаар дэмжиж сонгов. 

Гурав. Хуралдааны шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл хангах, хуралдаан хоорондын хугацаанд Хурлын хороо, ажлын хэсгийг үйл ажиллагааг уялдуулан зохицуулах үүрэг бүхий Хурлын зөвлөлийг дараах бүрэлдэхүүнтэй байгуулав. 

Даргаар ИТХ-ын дарга  Э. Гүррагчаа, гишүүдэд төлөөлөгч С.Адъяасүрэн, Ц.Баясгалан, Б.Гантулга, Л.Батсайхан, Ц.Эрдэнэбулга, Т. Хишигбаатар нар сонгогдов. 

Дөрөв. Хуралдаанаар хэлэлцэх асуудлыг урьдчилан бэлтгэх, санал дүгнэлт гаргах, хурлын тогтоол, шийдвэрийн биелэлтийг хянан шалгах чиг үүрэг бүхий Хурлын хороодыг дараах бүрэлдэхүүнтэй байгуулав. 

-Төсөв, санхүү, эдийн засгийн хөгжлийн хорооны даргаар Р.Болорцэцэг, гишүүдэд Ж.Дэмбэрэлсүрэн, Э.Гүррагчаа, Т.Хишигбаатар, Б.Эрдэнэбадрал, Нийгэм, цахим бодлогын хөгжлийн хорооны даргаар Б.Баасансүрэн, гишүүдэд С.Адъяасүрэн, Б.Тогтохбаяр, Т.Хишигбаатар, Т.Намхайдорж, Байгаль орчин хөдөөгийн хөгжлийн хорооны даргаар Ц.Баясгалан, гишүүдэд  М.Пүрэвжав, Г.Батбилэг, С.Жамсранбазар, Г.Пүрэвжанцан, Т.Намхайдорж, Хот суурин, дэд бүтцийн хөгжлийн хорооны даргаар Б.Гантулга, гишүүдэд Ц.Баясгалан, Б.Билэгдэмбэрэл, Ц.Эрдэнэбулга, Ц.Баттогтох, Нутгийн удирдлагын хөгжлийн хорооны даргаар Э.Гүррагчаа, гишүүдэд Р.Болорцэцэг, Б.Баасансүрэн, Ц.Баясгалан, Б.Гантулга, Л.Батсайхан нар сонгогдов. 

Тав. Сумын Засаг даргад нэр дэвшүүлэх асуудлыг хэлэлцэж Сэдийн Адъяасүрэнг сумын Засаг даргад нэр дэвшүүлж, аймгийн Засаг даргад уламжлахаар болов.