Сумын ИТХ-ын ээлжит хоёрдугаар хуралдаан 2024 оны 12 сарын 25-ны өдөр 95.2 хувийн ирцтэй хуралдаж, хуралдаанаар дараах асуудлыг хэлэлцэн шийдвэрлэв. 

1. Сумын Засаг даргын 2024-2028 оны үйл ажиллагааны хөтөлбөр батлах тухай

Монгол Улсын хөгжлийн урт болон дунд хугацааны бодлогын баримт бичигт нийцүүлэн боловсруулсан тус хөтөлбөрийн төслийг  сумын Засаг дарга С.Адъяасүрэн хуралдаанд оролцогчдод  танилцуулж, төсөлтэй холбогдуулан төлөөлөгчид болон иргэдээс гарсан саналыг тусган хуралдаанд оролцогчдын 100 хувийн саналаар баталлаа. 

2. Сумын эдийн засаг, нийгмийг 2025 онд хөгжүүлэх үндсэн чиглэлийг батлах тухай

Сумын Засаг даргын үйл ажиллагааны хөтөлбөрөөс ирэх онд хэрэгжих ажил, арга хэмжээг багтаасан Сумын эдийн, нийгмийг 2025 онд хөгжүүлэх үндсэн чиглэлийг ирэх оны төсөвтэй уялдуулан боловсруулж батлав

3. 2025 онд ойгоос бэлтгэх модны төрөл, тоо хэмжээг тогтоох тухай

Ирэх онд ойгоос бэлтгэх модны төрөл, тоо хэмжээг дараах байдлаар тогтоов. 

4. Малын тоо толгойн албан татварын хэмжээг шинэчлэн тогтоох тухай

Малын тоо толгойн албан татварыг хэмжээг шинэчлэх асуудлаар эрх ашиг нь хөндөгдөх малчин, мал бүхий 432 иргэнээс цахим болон цаасан хэлбэрээр санал авч, тэдний саналыг үндэслэн  4 төрлийн мал (үхэр, адуу, хонь, ямаа) -аас нэг тоо толгойг нь 300 төгрөгөөр тооцон татвар авахаар болов. 

Тус сум 2024 оны жилийн эцсээр 154054 толгой мал тоолуулсан бөгөөд татвараа бүрэн төвлөрүүлсэн нөхцөлд 46,216,200 төгрөгийн орлогыг төсөвт төвлөрүүлж, малчдад чиглэсэн хөрөнгө оруулалтын ажлыг хийж боломжтой юм. 

5. Сумын 2025 оны төсөв батлах тухай

Засаг даргын өргөн мэдүүлсэн 2025 оны төсвийг Төсвийн тухай хуульд тогтоомжид нийцүүлэн батлав. 

6. 2024 оны газар зохион байгуулалтын төлөвлөгөөний хэрэгжилтэд үнэлэлт дүгнэлт өгөх, 2025 оны газар зохион байгуулалтын төлөвлөгөө батлах тухай

Сумын ИТХ-ын төлөөлөгчид Сумын 2024 оны газар зохион байгуулалтын төлөвлөгөөний хэрэгжилтэд "Хангалттай" үнэлгээ өгсөн ба, 2025 оны газар зохион байгуулалтын төлөвлөгөөг газрын тухай хууль тогтоомжид нийцүүлэн батлав. 

7. Сумын иргэдийн Төлөөлөгчдийн Хурлын хорооны үйл ажиллагааны журам шинэчлэн батлах тухай

1.1 Нутгийн өөрөө удирдах ёсыг хэрэгжүүлэх үндсэн үүрэг бүхий Иргэдийн төлөөлөгчдийн хурлын үйл ажиллагааны байнгын, тасралтгүй үйл ажиллагааг хангах, Иргэдийн төлөөлөгчдийн хурлын байгууллагын бодлого, үйл ажиллагаа, шийдвэрийн үндэслэлийг дээшлүүлэх, иргэдийн оролцоо, санал бодлыг өргөн тусгах замаар хурлын шийдвэрийн хэрэгжих нөхцөлийг сайжруулах, гаргасан шийдвэр, тавьсан зорилтын биелэлтэд хийх хяналт шинжилгээ, үнэлгээний чанар, үр дүнг сайжруулах зорилго бүхий тус журмыг хуралдаанд оролцогчдын 100 хувийн саналаар батлав.

8. Иргэдийн Төлөөлөгчдийн хурлын ажлын албаны бүтэц, орон тоог тогтоох тухай

Сумын иргэдийн Төлөөлөгчдийн Хурлын ажлын албыг  холбогдх хууль тогтоомжийн хүрээнд  улс төрийн 1, төрийн захиргааны 2 албан хаагч, нийт 3 албан хаагчтай байхаар бүтэц, орон тоо, цалингийн санг батлав. 

9. Нутгийн удирдлагын төлөөллийн байгууллагын төлөөлөгч сонгох тухай

Нутгийн өөрийн удирдлагын байгууллагуудын нийтлэг ашиг сонирхлыг илэрхийлэх, хууль тогтоомжийн төсөл болон орон нутгийн төсөв боловсруулах, нутгийн удирдлагад чиг үүрэг шилжүүлэх, Засгийн газраас нутгийн удирдлагатай холбоотой асуудлаар шийдвэр гаргах ажиллагаанд Засгийн газартай хэлэлцээр хийх, нутгийн удирдлагын байгууллагын өмнөөс шүүхэд төлөөлөн нэхэмжлэл гаргах чиг үүрэг бүхий нутгийн удирдлагын төлөөллийн байгууллагын төлөөлөгчөөр сумын ИТХ-ын дарга Э. Гүррагчааг сонгов.