Асайт багийн иргэдийн Нийтийн анхдугаар хуралдаанд 262 иргэн оролцож, хуралдаанаар дараах асуудлуудыг хэлэлцэн шийдвэрлэв. 

Нэг. Багийн иргэдийн Нийтийн Хуралдааны даргыг сонгох, чөлөөлөх тухай

Багийн иргэдийн Нийтийн Хуралдааны даргыг сонгох санал хураалтад 4 хүн нэр дэвшсэн бөгөөд Ганчулууны Батбилэгийн төлөө 84 иргэн, Жамбалын Дамдинсүрэнгийн төлөө 74 иргэн, Баасанбаярын Ариунжаргалын төлөө 73 иргэн, Цэдэндамбын Отгонбаатарын төлөө 24 иргэн тус тус  санал өгч хамгийн олон санал авсан Ганчулууны Батбилэг Асайт багийн иргэдийн Нийтийн Хурлын даргаар сонгогдож, хуучин БИНХ-ын хуралдааны даргаар ажиллаж байсан  Жамбалын Дамдинсүрэн БИНХ-ын даргаас  чөлөөлөгдлөө. 

2. Багийн Засаг даргад нэр дэвшүүлэх тухай

Багийн Засаг даргад 2 хүн нэр дэвшиж, нэр дэвшигч Мандахбаярын Пүрэвжавын төлөө 166 иргэн /63.35%/, Хасбазарын Бадам-Очирын төлөө 89 иргэн /33.9 %/ санал өгч, хуралдаанд оролцогчдын олонхийн саналыг авсан Мандахбаярын Пүрэвжавыг Асайт багийн Засаг даргаар томилуулахаар сумын Засаг даргад уламжлав. 

Гурав. Багийн иргэдийн Нийтийн Хурлын зөвлөлийг байгуулах тухай

Иргэдийн нийтийн Хурлын шийдвэрийг хэрэгжүүлэх ажлыг зохион байгуулах, дараагийн хуралдаанд бэлтгэх, хуралдааныг товлон зарлах үүрэг бүхий Багийн иргэдийн Нийтийн Хурлын зөвлөлийг дараах бүрэлдэхүүнтэй байгуулав. 

Дарга: Г. Батбилэг-БИНХ-ын дарга

М. Пүрэвжав-Асайт багийн Засаг дарга 

Б. Ариунжаргал-Асайт багийн иргэн 

Р.Баатарсүх-Асайт багийн иргэн

Ж. Амгаланбаатар-Асайт багийн иргэн