Сумын иргэдийн Төлөөлөгчдийн Хурлын төлөөлөгчид болон Багийн иргэдийн Нийтийн Хурлын хуралдааны дарга нар, ИТХ-ын Ажлын албаны албан хаагчид, багийн Засаг дарга нарыг Монголын Нутгийн удирдлагын холбооноос зохион байгуулсан сургалтад хамруулав. 

Сургалт "Төлөөлөгчийн ёс зүй", ИТХ-ын хяналтын чиг үүрэг, Хурлын хороод хэрхэн ажиллах, Хөгжлийн бодлого, төлөвлөлтийн тухай хууль, Монгол Улсын Засгийн газрын 2024-2028 оны үйл ажиллагааны хөтөлбөр, Бүсчилсэн хөгжлийн үзэл баримтлал, Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль, Төсвийн тухай хууль, Байгалийн нөөц ашигласны төлбөрийн тухай хууль, "Төлөөлөгчийн манлайлал" сэдвүүдийн хүрээнд хийгдэж нутгийн өөрөө удирдах байгууллагынхан мэдлэг, чадвараа дээшлүүлэв. 

Мөн төрийн ордны үйл ажиллагаатай танилцаж, УИХ-ын гишүүн Г.Тэмүүлэнтэй уулзаж төр засгийн бодлого, шийдвэрийн талаар мэдээ, мэдээлэл авч, санал хүсэлтээ илэрхийлэн ажиллав.