Аймгийн иргэдийн Төлөөлөгчдийн Хурлын ээлжит арвандөрөвдүгээр хуралдаан 2023 оны 06 дугаар сарын 27-ны өдөр 94,2 хувийн ирцтэйгээр амжилттай хуралдлаа. Ээлжит хуралдаанаар: 1 Дундговь аймгийн төсвийн ерөнхийлөн захирагчийн 2022 оны төсвийн гүйцэтгэлийн тухай Төсвийн ерөнхийлөн захирагчийн 2022 оны санхүүгийн тайланд хийсэн аудитын дүгнэлт 2. Дундговь аймгийн 2023 оны төсвийн тодотгол батлах тухай 3. Адаацаг сумын төвийн төвлөрсөн дулаан хангамжийг “Алтай Авантур” ХХК-д хариуцуулах тухай 4. “Тэвшийн говь” ХХК-ийн халаалтын 1, 2-р зуухыг орон нутгийн өмчид шилжүүлэн авах тухай 5. Эрдэнэдалай сумын 7 дугаар багийн “Төвийн баг” гэсэн нэрийг “Өвөр Угтаал” гэж өөрчлөх тухай 6. Үндсэн хөрөнгө бүртгэх, үндсэн хөрөнгө балансаас балансад шилжүүлэх, үндсэн хөрөнгөд үнэлгээ тогтоож худалдах, үндсэн хөрөнгө акталж, данснаас хасах тухай 7. Дундговь аймгийн Өлзийт сумын Цагаан суваргын аялал жуулчлалын бүсийн ерөнхий төлөвлөгөөний зураг төслийн ажлыг батлуулах тухай 8. Мал аж ахуй үйлдвэрлэлийн дунд хугацааны стратеги төлөвлөгөөг батлах тухай 9. Дундговь аймгийн ан агнуурын менежментийн төлөвлөгөөг батлах тухай асуудлуудыг хэлэлцэн "Дундговь аймгийн Өлзийт сумын Цагаан суваргын аялал жуулчлалын бүсийн ерөнхий төлөвлөгөөний зураг төслийн ажлыг батлуулах тухай" асуудлыг хойшлуулан бусад асуудлыг хуралд оролцсон төлөөлөгчдийн 100 хувийн саналаар баталлаа.

Адаацаг, Баянжаргалан, Өлзийт, Хулд сумдын ИТХ-ын 2023 оны нөхөн сонгуулийн санал авах ажиллагаа 38,6 хувийн ирцтэйгээр амжилттай дууслаа. Нийт 1031 сонгогч санал өгөхөөс 398 сонгогч саналаа өгсөн байна. Адаацаг сумын Өвөр-Урт баг 54,8%, Баянжаргалан сумын Шилийн гол баг 38,4 %, Өлзийт сумын Тагт баг 50,7 %, Хулд сумын Шувуутай баг 13,8 %-ийн ирцтэй байна. Санал тэнцсэн нэр дэвшигч байхгүй. Нийт 7 нэр дэвшигч сонгуульд өрсөлдсөнөөс Адаацаг сумын АН-аас нэр дэвшигч Б.Хандсүрэн, Баянжаргалан сумын АН-аас нэр дэвшигч Б.Эрдэнэбаатар, Өлзийт сумын АН-аас нэр дэвшигч А.Жавхлан, Хулд сумын МАН-аас нэр дэвшигч Г.Лхагвадорж нар олонхын санал авсан байна. Санал авах ажиллагааг зохион байгуулсан сумын сонгуулийн хороо, хэсгийн хороод, даамал, итгэмжлэгдсэн ажилтан, цагдаагийн ажилтан нарт баярлалаа. Саналаа өгсөн нийт сонгогчдодоо баярлалаа. ДУНДГОВЬ АЙМГИЙН СОНГУУЛИЙН ХОРОО

2023 оны 06 дугаар сарын 07-ны өдөр аймгийн ИТХ-ын Зөвлөл хуралдлаа. Зөвлөлийн хурлаар аймгийн ИТХ-ын ээлжит арвандөрөвдүгээр хуралдааны тов батлах тухай асуудлыг хэлэлцэн, уг хуралдааныг 2023 оны 06 дугаар сарын 27-ны өдөр хуралдахаар товлолоо. Мөн аймгийн ИТХ-ын ээлжит арвандөрөвдүгээр хуралдаанаар хэлэлцэх асуудлуудыг танилцууллаа.

Швейцарын хөгжлийн агентлагийн санхүүгийн дэмжлэгээр Засгийн газрын Хэрэг эрхлэх газарт хэрэгжиж байгаа “Нутгийн өөрөө удирдах байгууллагын институцийн чадавхыг бэхжүүлэх төсөл”-ийн хүрээнд аймаг, нийслэл, сум, дүүргийн нийт 360 иргэдийн Төлөөлөгчдийн Хурлын дунд мэдээлэл, туршлага, практик, мэдлэгээ солилцох гол дижитал платформ болох www.khural.mn цахим хуудсыг хөгжүүлэх, шинэчлэх, засвар үйлчилгээ хийх ажлыг гүйцэтгэж байгаа билээ. Энэ ажлын хүрээнд 21 аймгийн иргэдийн Төлөөлөгчдийн Хурлын хэвлэл мэдээлэл, цахим хуудсын хөгжүүлэлт хариуцсан 25 ажилтан оролцсон “khural.mn цахим хуудасны хөгжүүлэлт” сэдэвт сургалт Удирдлагын академийн Компьютерын лабораторид болж байна. Лекц, дадлага хосолсон уг сургалтаар мэдээ, мэдээлэл, тогтоол шийдвэр оруулах ахисан шатны хичээл, шинэ булан, меню агуулга нэмэх талаар, аймаг, сумын иргэдийн Төлөөлөгчдийн Хурлын танилцуулга, зохион байгуулалтын бүтэц, төлөөлөгчийн бүртгэл, мэдээллийг хэрхэн оруулах талаар хамтран суралцаж, бүтэн өдрийн турш дасгал ажил хийж өөрийн аймаг, сумын мэдээ, мэдээллийг засварлан сайжруулах, жигдрүүлэх ажлыг хийж гүйцэтгэх юм. Засгийн газрын Хэрэг эрхлэх газрын Орон нутгийн удирдлага, зохицуулалтын газрын төлөөлөл уг сургалтын ач холбогдлын талаар нээлтийн үг хэлж, Khural.mn цахим платфортын тухай, хөгжүүлэлтийн өнөөгийн байдлын тухай ИТХ-ын танилцуулга, зохион байгуулалтын бүтэц, дарга, нарийн бичгийн дарга, төлөөлөгчийн бүртгэлийн талаар танилцуулга хийлээ. Сургалтыг “Онлайн солюшн” ХХК-ийн захирал Д.Соёл-Эрдэнэ хөтлөн явуулах бөгөөд сургалтын төгсгөлд аймгийн иргэдийн Төлөөлөгчдийн Хурлын нарийн бичгийн дарга нарт хандсан албан бичгийг гардуулж, цахим хуудас хөгжүүлэлтийн уралдаант шалгаруулалтыг зарлах ажээ.

УЛСЫН АВАРГА ШАЛГАРУУЛАХ U18 НАСНЫ 3Х3 САГСАН БӨМБӨГИЙН ТЭМЦЭЭН АМЖИЛТТАЙ ЭХЭЛЛЭЭ.

СУМДЫН ИТХ-ЫН ДАРГА, НАРИЙН БИЧГИЙН ДАРГА НАРТ МЭДЭЭ МЭДЭЭЛЭЛ ӨГЛӨӨ. Аймгийн иргэдийн Төлөөлөгчдийн Хурлын ажлын албанаас сумдын ИТХ-ын дарга, нарийн бичгийн дарга нарт Гэмт хэргээс урьдчилан сэргийлэх ажил, Гамшгийн эрсдлийг бууруулах орон нутгийн зөвлөл болон Улаан загалмайн анхан шатны хорооны ажлыг эрчимжүүлэх талаар мөн цаг үеийн бусад ажлаар сургалт мэдээлэл хийлээ. Аймгийн ИТХ-ын дарга С.Од-Эрдэнэ 2023 онд Гэмт хэргээс урьдчилан сэргийлэх ажлыг зохицуулах салбар зөвлөлийн төлөвлөгөөтэй сумын ажлаа уялдуулах, иргэдийн дунд нөлөөллийн ажлыг зохион байгуулах, сум бүрт арга хэмжээг сумдад зохион байгуулахад бэлтгэл ажил ханган ажиллах, улаан загалмайн анхан шатны гишүүн дэмжигчдийн тоог нэмэгдүүлэх зэрэг үүрэг чиглэлийг өгч ажиллалаа.

АЙМГИЙН ИТХ-ЫН ДАРГА С.ОД-ЭРДЭНЭ “ХӨДӨӨГИЙН СЭРГЭЛТ” ЧУУЛГАНД ОРОЛЦЛОО Монгол Улсын Засгийн газраас зохион байгуулж буй “Хөдөөгийн сэргэлт” чуулганд аймгийн ИТХ-ын дарга С.Од-Эрдэнэ оролцож байна. Хөдөөгийн сэргэлт чуулганы гол зорилго бол Алсын хараа-2050 Монгол Улсын урт хугацааны хөгжлийн бодлого”-ын зорилтын хүрээнд “Улаанбаатар хотоос шилжин суурьших иргэдийн ажиллаж, амьдрах нөхцөл боломжийг нэмэгдүүлэх, орон нутагт үйл ажиллагаа явуулах аж ахуй нэгжийг дэмжих чиглэлээр Засгийн газраас, “Хот хөдөөгийн сэргэлтийн бодлогын хэрэгжилтийг эрчимжүүлэх юм. Тус чуулганы үеэр 21 аймаг Нээлттэй аймаг- мэдээллийн цэг ажиллуулах ба тухайн аймаг орон нутгийн онцлог , давуу тал, шилжин суурьшигчдыг хүлээж авах бодлогоо танилцуулж, хотоос хөдөө рүү шилжилт хөдөлгөөнийг нэмэгдүүлэхэд чиглэсэн байх юм.

ГЭБОНЗ-ИЙН 2023 ОНЫ АНХДУГААР ХУРАЛДААН ХУРАЛДЛАА Аймгийн Гамшигийн эрсдлийг бууруулах орон нутгийн зөвлөлийн анхдугаар хуралдаан хуралдаж дараах асуудлуудыг хэлэлцлээ. 1.Аймгийн Гамшгийн эрсдэлийг бууруулах орон нутгийн зөвлөлийн 2023 оны үйл ажиллагааны төлөвлөгөөг танилцуулах 2.Төлөвлөгөөг хэрэгжүүлэх талаар санал авч, төлөвлөгөөг батлах 3.Хаваржилтын эрсдэлийн үнэлгээг танилцуулах 4.Бусад хэлэцэх асуудал

Аймгийн ИТХ-ын дарга С.Од-Эрдэнэ, Засаг дарга Ц.Мөнхбат нарын дэмжлэгтэйгээр малчин түмнийхээ ёс заншил, өв уламжлалыг түгээн дэлгэрүүлэх зорилгоор бэлтгэгдсэн Монголын үндэсний олон нийтийн телевизийн “Эргэх дөрвөн цаг” нэвтрүүлэг.Дэлгэрцогт сум #эргэхдөрвөнцаг

XVII жарны усан туулай жилийн босгон дээр Дундговь аймгаас 7 улсын аварга малчин төрөн гарсны нэг нь Өлзийт сумын 5-р багийн харъяат Цэвээнмидийн Батжаргал юм. Түүний өвөө нь мөн улсын аварга малчинаар тодорч байсан бөгөөд тэрээр мал маллах арга ухааныг өвөө, аав хоёроосоо өвлөж авсанаа цохон дурьдлаа.