XVII жарны усан туулай жилийн босгон дээр Эрдэнэдалай сумын Цавчир багаас 60 жилийн дараа МУ-ын аварга малчин төрлөө. Пүрэвдоржийн Энхбат нь сум орон нутагтаа мал маллах арга, ажил хөдөлмөрөөрөө үеийн залуусаа манлайлан зүтгэж байгааг үнэлэн Улсын аварга малчнаар тодрууллаа.

Сумдын номын сангуудад шинэ номын хөрөнгө оруулалт хийх зорилгоор Аймгийн ИТХ-аас “Ном хандивлах сайхан” эвент арга хэмжээг 02 сарын 07-ны өдөр аймгийн Цагдаагийн газарт зохион байгууллаа. Энэ удаагийн арга хэмжээнд Дундговь аймгийн гэмт хэргээс урьдчилан сэргийлэх ажлыг зохицуулах салбар зөвлөлийн албан байгууллагуудын ажилтан, албан хаагчид оролцож, 150 гаруй ном хандивласан байна. Мөн тус аяныг С.Буяннэмэхийн нэрэмжит төв номын сангийн хамт олон хамтран зохион байгуулж, шинээр нэвтрүүлж буй “Дуудлагын номын сан”-гийн үйлчилгээг сурталчиллаа. Ном хандивлах аянд идэвхтэй хамрагдсан нийт ажилтан, албан хаагчид та бүхэндээ чин сэтгэлийн талархал илэрхийлж байна. ХАМГИЙН САЙХАН ӨГЛӨГ НОМЫН ХАНДИВ.

2023 ОНЫ ГҮЙЦЭТГЭЛИЙН ТӨЛӨВЛӨГӨӨГӨӨ БАТАЛЛАА Аймгийн ИТХ-ын ажлын албаны нийт албан хаагчдын Төрийн жинхэнэ албан хаагчийн 2023 оны гүйцэтгэлийн төлөвлөгөөг ажлын албаны дарга Ш.Энхсүх баталж төлөвлөгөөний хэрэгжилтэд анхаарч ажиллахыг онцолж амжилт хүслээ.

Сумдын номын сангуудад шинэ номын хөрөнгө оруулалт хийх зорилгоор Аймгийн ИТХ-аас “Ном хандивлах сайхан” эвент арга хэмжээг 01 сарын 27-ны өдөр Сайнцагаан сумын ИТХ-тай хамтран сумын Засаг даргын тамгын газарт зохион байгууллаа. Тус арга хэмжээнд Сайнцагаан сумын ИТХ, ЗДТГ болон ерөнхий боловсролын сургууль, цэцэрлэг, эрүүл мэндийн төвийн ажилтан, албан хаагчид оролцож 500 гаруй ном хандивласан байна. Мөн Сайнцагаан сумын ИТХ-аас 2002 оноос хойш хэвлэгдсэн гарсан “Төрийн мэдээлэл” сэтгүүлийг С.Буяннэмэхийн нэрэмжит төв номын санд хүлээлгэн өглөө. “Ном хандивлах сайхан” аянд идэвхтэй хамрагдсан нийт багш, ажилтан, албан хаагчид та бүхэндээ чин сэтгэлийн талархал илэрхийлж, ажлын амжилт хүсье.

"НОМ ХАНДИВЛАХ САЙХАН"ЭВЕНТ АРГА ХЭМЖЭЭГ АМЖИЛТТАЙ ЗОХИОН БАЙГУУЛАГДАЖ БАЙНА. Сумдын номын сангуудад шинэ номын хөрөнгө оруулалт хийх зорилгоор Аймгийн ИТХ-аас “Ном хандивлах сайхан” эвент арга хэмжээг 01 сарын 23-ны өдөр зохион байгууллаа. Тус арга хэмжээнд ЗДТГ болон засаг даргын эрхлэх хүрээний агентлагуудын ажилтан, албан хаагчид оролцож, 150 гаруй ном хандивласан байна. Үйл ажиллагаанд идэвхтэй хамрагдсан нийт ажилтан, албан хаагчид та бүхэндээ чин сэтгэлийн талархал илэрхийлж байна. ХАМГИЙН САЙХАН ӨГЛӨГ НОМЫН ХАНДИВ.

Анхдугаар хуралдаанаар дараах асуудлуудыг хэлэлцлээ. 1. Аймгийн УЗХ-ын удирдах зөвлөлийн гишүүн томилох тухай 2. Сумдын Улаан загалмайн хорооны үйл ажиллагааг эрчимжүүлэх, сумын анхан шатны хорооны тэргүүн сонгох бүх гишүүдийн хуралдааныг зохион байгуулах талаар чиглэл өгч ажиллах 3. Аймгийн УЗХ-ны 2023 оны төлөвлөгөөнд санал өгөх тухай

УЛС ТӨРИЙН ХҮРЭЭН ДЭХ ЖЕНДЭРИЙН МЭДРЭМЖТЭЙ ЭРЭГТЭЙ МАНЛАЙЛАГЧДЫГ ШАЛГАРУУЛЖЭЭ Хүний эрхийн Үндэсний Комисс, Жендэрийн үндэсний хороо хамтран “Койка” олон улсын байгууллага, НҮБ-ын Хөгжлийн хөтөлбөрийн дэмжлэгтэйгээр “Улс төрийн хүрээн дэх жендэрийн мэдрэмжтэй эрэгтэй манлайлагчид”-ыг 2023.01.17-ны өдөр шалгаруулсан байна. Нийслэл, нийслэлийн 9 дүүрэг, 21 аймгийн иргэдийн Төлөөлөгчийн Хурлын Төлөөлөгч тус бүрээс жендэрийн мэдрэмжтэй эрэгтэй манлайлагч тодруулах ажлыг МУИС-ийн Социологи, нийгмийн ажлын тэнхимийн судлаачдын баг гүйцэтгэсэн байна. Улс төрийн хүрээн дэх жендэрийн мэдрэмжтэй эрэгтэй манлайлагчаар Дундговь аймгийн ИТХ-ын төлөөлөгч, Засаг даргын орлогч М.Анхбаяр шалгарсан байна. “Улс төрийн хүрээн дэх жендэрийн мэдрэмжтэй эрэгтэй манлайлагчид”-ыг тодруулснаар жендэрийн эрх тэгш байдалд эрэгтэйчүүдийн дуу хоолой, санаачилгыг нэмэгдүүлэх, Жендэрийн эрх тэгш байдлын тухай хуулийн хэрэгжилтийг сайжруулах, цаашлаад олон нийтийн ойлголтыг нэмэгдүүлж, орон нутагтаа жендэрийн асуудлаар төлөвлөгөө гаргаж, манлайлж ажиллах боломжийг нээх ажээ.

Аймгийн ИТХ-ын Иргэний танхимаас сумдын ИТХ-ын ажлын албатай цахим уулзалтыг зохион байгуулж энэ удаагийн уулзалтаар Аймгийн Статистикийн хэлтэсээс 2022 оны мал тооллогын урьдчилсан дүн мэдээг танилцуулсан бол Аймгийн Татварын хэлтсээс ХАОАТ-ын хуулийн тухай, мөн тайланг хэрхэн тайлагнах талаар зөвлөмж өглөө

Аймгийн иргэдийн Төлөөлөгчдийн Хурлаас Луус, Хулд, Өлзийт сумдын Хүүхдийн цэцэрлэгт цохивор хөгжим, МУЗН-ээс ирүүлсээ кварцын гэрлийг тус тус хүлээлгэн өглөө.

Аймгийн ИТХ-ын дарга С.Од-Эрдэнээр ахлуулсан ажлын хэсэг Луус, Хулд, Өлзийт сумдад ажиллаж сум бүрээс малчин өрх сонгон авч хяналтын тооллого хийлээ. Хяналтын тооллогыг дрон төхөөрөмж ашиглан тоолж туршлаа.

Хүндэтгэлийн хуралд үе үеийн аймгийн ИТХ-ын дарга, Засаг дарга, сумдын ИТХ-ын дарга, төлөөлөгчид болон төрийн албан хаагчид, хүүхдүүд оролцлоо. Хүндэтгэлийн хурлыг нээж аймгийн ИТХ-ын дарга С.Од-Эрдэнэ үг хэлж нутгийн удирдлагын байгууллагын шинэ тогтолцоо үүсч хөгжсний 30 жилийн ойн баярын мэндийг дэвшүүллээ. Аймгийн ИТХ-ын анхны дарга Х.Цэнд-Аюуш, Д.Адъяа нар мэндчилгээ дэвшүүллээ. Аймгийн Засаг дарга Ц.Мөнхбат мэндчилгээ дэвшүүлэн Монгол Улсын сайд, Засгийн газрын хэрэг эрхлэх газрын дарга Д.Амарбаясгалангийн ирүүлсэн илгээлтийг аймгийн ИТХ-ын дарга С.Од-Эрдэнэд гардуулан өглөө. Аймгийн ИТХ-ын намын бүлгийн дарга Б.Лхагвамандал, О.Бат-Эрдэнэ нар баяр хүргэж мэндчилгээ дэвшүүллээ.Баярын арга хэмжээнд зориулан ТХДЖТ-ын уран бүтээлчид тоглолт тоглолоо

ОЛОН ХҮҮХЭД ТӨРҮҮЛЖ ӨСГӨСӨН ЭЭЖҮҮДЭД "ЭХИЙН АЛДАР" ОДОН ГАРДУУЛЛАА.

АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ 10 ДУГААР ХУРАЛДААН АМЖИЛТТАЙ ХУРАЛДАЖ ӨНДӨРЛӨЛӨӨ.