2024 оны 04 сарын 26-ны өдөр сумын ИТХ-ын ээлжит арван долдугаар хуралдаан хуралдаж дараах асуудлуудыг хэлэлцэн шийдвэрлэв. 

Нэг. Сумын сонгуулийн хорооны бүрэлдэхүүнийг байгуулах санал уламжлах тухай

Улсын Их Хурлын сонгуулийн тухай хуулийн хүрээнд сумын сонгуулийн хороог дараах бүрэлдэхүүнтэй байгуулах саналыг аймгийн сонгуулийн хороонд уламжлав. 

Хоёр. Сонгуулийн сурталчилгааны зурагт самбарыг байршуулах байршлыг тогтоох тухай

Улсын Их Хурлын сонгуулийн сурталчилгааны зурагт самбарыг Баянцагаан багийн 1 дүгээр хорооны гудамж, талбай, олон нийтийн газарт үнэ төлбөргүйгээр байршуулахаар тогтов. 

Гурав. Сумын иргэдийн Төлөөлөгчдийн Хурлын сонгуулийн тойргийг дараах байдлаар байгуулж, тойрогт ногдох мандатын тоо, дугаар, нутаг дэвсгэр, төвийг тогтоов. 

Дөрөв. Хоршоо хөгжүүлэх сангийн төсөл сонгон шалгаруулах товыг тогтоов.

Хоршоо хөгжүүлэх сангийн төслийг 2023 оны 08 сарын 03-ны өдөр сонгон шалгаруулахаар тогтов. 

Төсөл хүлээн авах хугацааг тухайн сумын хоршоо, жижиг дунд үйлвэрлэл эрхлэгч, иргэдийн олонход мэдэгдсэнээс хойш хуанлийн 30 хоногийн хугацаанд цахимаар эсхүл цаасан хэлбэрээр хүлээн авч, төсөл сонгон шалгаруулах үйл ажиллагаанд сумын хоршоо, ЖДҮҮЭ иргэдийн оролцоог хангах ажлыг зохион байгуулж ажиллахыг сумын Засаг дарга (П.Алтанхуяг)-д даалгав.

Тав. Хамтарсан баг байгуулах тухай

Гэр бүлийн хүчирхийлэлтэй тэмцэх Хамтарсан багийг дараах бүрэлдэхүүнтэй байгуулав. 

Ахлагч: Сумын Засаг дарга

Нарийн бичгийн дарга: Нийгмийн бодлогын мэргэжилтэн

Гишүүд:

Бүрэн дунд сургуулийн нийгмийн ажилтан

-Хүүхдийн цэцэрлэгийн арга зүйч

-Хөдөлмөр, халамжийн үйлчилгээ хариуцсан мэргэжилтэн

-Хэсгийн төлөөлөгч

-Эрүүл мэндийн төвийн Нийгмийн эрүүл мэндийн ажилтан

  Хамтарсан багийг нэгдсэн удирдлагаар хангаж ажиллахыг сумын Засаг даргад, үйл ажиллагааны төлөвлөгөө боловсруулан жил тутам Иргэдийн Төлөөлөгчдийн Хуралд тайлагнаж ажиллахыг хамтарсан багийн нарийн бичгийн даргад тус тус үүрэг болгов. 

Зургаа. Тэргүүний тохижилт, соёлжилттой хороо, айл өрх, байгууллага шалгаруулах болзол батлав.

Сум байгуулагдсаны түүхт 100 жилийн ойн баярыг угтаж сумын төвийн өнгө үзэмжийг сайжруулах зорилгоор "Тэргүүний тохижилт, соёлжилттой хороо, айл өрх, аж ахуйн нэгж, байгууллага шалгаруулах уралдааны болзлыг батлав. 

Дээрх болзлыг иргэд, байгууллага, олон нийтэд мэдээлж, хэрэгжилтийг ханган, болзлыг дүгнэж ажиллахыг сумын Засаг дарга П.Алтанхуягт даалгав.

Дээрх шийдвэрүүдийг http://jargalant.arkhangai.khural.mn сайтын "ТОГТООЛ" хэсгээр нэвтэрч "ИТХ-ын тогтоол" хэсгээс үзнэ үү.

Мөн хуралдааныг нээлттэй үлдээж дараах асуудлуудыг хэлэлцэхээр төлөвлөсөн болно.

-Сум үүсэн байгуулагдсаны түүхт 100 жилийн ойг тэмдэглэн өнгөрүүлэх баяр наадмын хорооны ажлын явцын тайлан сонсох тухай

-“Малчдадаа туслая” аян болон зудын эрсдэлийг давах туулах хүрээнд цугларсан бусад хандив, улсын болон орон нутгийн төсвөөс зудын эрсдэлийг таван туулах хүрээнд зарцуулсан төсвийн тайлан сонсох тухай

-Хоршоо хөгжүүлэх сангийн зээл олгох салбар, чиглэл зэргийг батлах 

- 2023 оны давсан орлогыг хуваарилах тухай 

- 2024 оны газар зохион байгуулалтын төлөвлөгөөнд тодотгол хийж батлах тухай

-Сумын иргэдийн Төлөөлөгчдийн Хурлын сонгуулийн хэсэг байгуулах